Өлең, жыр, ақындар

Зұлмат заман

  • 06.06.2020
  • 0
  • 0
  • 1661
Зұлмат заман өтті ғой ел қырылған,
Зарлы дауыс келеді шерлі қырдан.
Боз жусанға қара қан сіңіп жатты,
Қызыл жендет қылғанда ерді құрбан.

Аштық көрдік намысты жоқ байлаған,
Қастық көрдік арысты оққа айдаған.
Оттайды адам оттаса тоқшылықта,
Ал мен кейде айтар сөз таппай қалам.

Жұрт едік қой шүкір мен тобасы көп,
Мұң саулайды көзімнің сорасы боп.
Құм ішінен қу бастар шығып жатты,
Көмусіздер қаншама моласы жоқ?!

Бұл далада шашылып сүйек қалған,
Бейіттерді қаскөйлер жиі ақтарған.
Тірепті үміт арқадан бір зәузатты,
Бір зәузатты қолтықтан сүйепті арман.

Зұлмат заман қазақты әуре еткені-ай,
Зымыстанға қосылды нәубет борай.
Боз жусанға қанды жас сіңіп жатты,
Жат мекенге босқанда әулет талай...



Пікірлер (0)

Пікір қалдырыңыз

Сұмырай келген жыл еді...

  • 0
  • 0

Сұмырай келген жыл еді...
Қазақтың тас төбесіне шықты жүрегі.
Ол жалғыз көзімен бәрін бақылап,
Жалғыз аяғымен жүреді.

Толық

Зар-зар

  • 0
  • 0

Жасты көрдім тас болып ауырлаған, зар-зар,
Тасты көрдім жас болып сауылдаған, зар-зар!
Мен жыласам, жыладым қасіреттен, зар-зар,
Арыстарды жоқтаумен ғасыр өткен, зар-зар!

Толық

Мінез

  • 0
  • 0

Жыр-әлемім, сыр-әлемім – өлеңде,
Сөз – биікте, құлдыраман төменге!..
Қарағайға қарсы бұтақ біткендей,
Иір бұтақ бітеді екен еменге.

Толық

Қарап көріңіз