Бұлттардан жебе суырды жаңбыр
- 0
- 0
Бұлттардан жебе суырды жаңбыр,
тарқатты күймен жер шерiн.
Уыз ұрттады уылжыған гүл,
көктемнiң емiп емшегiн.
Дала
Да-а-ла-а-а!Омырауыңа гүл қадап алып,
шығардың қардан көктемдi сүйреп.
Жыр жазушы едiм жылғаға барып,
шабытты шақ та кеткен-дi сиреп.
Кемерден қарғын асып ағатын
көкпектi қырды сағындым ендi.
Шақырса сәуiр,
асығады ақын
қызғалдақ өрген сағымды белге.
Уа, дала!
Дала!
Домбыра далам,
келдiм мен орап жанымды жырға.
Тағы да шабыт қонды ма маған,
қайталап жатыр әнiмдi жылға.
Жазғытұрымның жыршы күндерi
бағбанның сұлу бағын ықтапты.
…Өрiктiң титтей бүршiгiндегi
көктемнiң иiсiн сағынып қаппын!..
Пікірлер (0)
Пікір қалдырыңыз
Жыл құстарының әні
- 0
- 0
Жыл құстарының әні
Көк жүзінде ән салып,
Жыл құстары ұзады.
Байбота Қошым-Ноғай
Ғарыш бізді шақырды
- 0
- 3
Біздің Тоқтар ағамыз,
Ұшты шырқап ғарышқа.
Ертең біз де барамыз
Айға, Шолпан, Марсқа!
- Архимед
- Оноре де Бальзак
- Александр Пушкин
- Антон Чехов
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі