Өлең, жыр, ақындар

Ұмыттым

  • 18.07.2020
  • 0
  • 0
  • 1444
Шыққан сайын түн түнегін түріп күн,
Бұл жалғанда сайран салып жүріппін.
Ұмытқам жоқ достарымның күлкісін,
Қастарымның табасын ше?
Ұмыттым.

Дәмін таттым ыстық пенен суықтың,
От пен суға түсіп әбден шынықтым.
Біреулерді қуантқаным есімде,
Кейбіреуді жылаттым ба?
Ұмыттым.

Ортасында күдік пенен үміттің,
Орналасқан ұмытшақтау жігітпін.
Сені, жаным, құлай сүйдім, алайда,
Ренжіткен кезім бар ма?
Ұмыттым.

Арасында тазалық пен былықтың,
Өмірдің де қасиетін шын ұқтым.
Жақсылықты өз басымнан өткергем,
Жамандықты тіршілікте көп көрген
Неге, неге, ұмыттым?!



Пікірлер (0)

Пікір қалдырыңыз

Жауыннан соң жатыр ма екен жер кеппей

  • 0
  • 0

Жауыннан соң жатыр ма екен жер кеппей,
Көргің келсе атқа мініп, қырға шық.
Егін еккен жерге жатса су жетпей,
Кей қаланы кетеді екен су басып.

Толық

Көл жағасында

  • 0
  • 0

Көл маңайы. Қалың тал. Қамыс-қоға – жағасы,
Құжынаған шіркейге толып тұрған арасы.
Тышқандардың індері, құмырсқаның илеуі, қаз-үйректің ұясы,
Таусылмайтын тіршілік қайнап жатыр, қарашы!

Толық

Егістіктен дәннің иісі шығады

  • 0
  • 0

Егістіктен дәннің иісі шығады,
Диірменнен ұнның иісі шығады,
Әжем менің пісіргенде бауырсақ,
Ас үйден де нанның иісі шығады.

Толық

Қарап көріңіз