Өлең, жыр, ақындар

Жез қоңырау

  • 12.08.2020
  • 0
  • 0
  • 1060
Бәрін де балалықпен сезбедім-ау,
Ып-ыстық көрінеді көзге мынау.
Білімге қолын бұлғап шақыратын,
Күміс үн, жез таңдайлы, жез қоңырау.
Жүгіріп мен жеткенде құрақ ұшып,
Сол ағай қоңырауын тұрады ұрып.
Артымнан апам келіп сығалайды,
Өсірген ақ ботасын бұла қылып.
О, шіркін теңдесі жоқ көктем едің,
Көзімнен кейіндеген көк белеңім,
Құпиялап шешеме әлі есімде
«Қазір мен сағынамын, кетпе» дедім.
Анама қарадым да сергідім кеп,
Ананы бала ұқпас па, берді міндет.
Ұлы ұстаз, ұлағатты ойға тұнған,
Бас қойдым бұлағына бер білім деп.
Біліммен келешегім келер менің,
Біліммен биіктедім,тереңдедім.
Мен өзім ұстаз болдым жеткіншектер,
Көрдің бе, сол күндерден не өнгенін.
Оралып жас келе ме көзге мынау,
Шынымен қымбат бала кездерім-ау,
Анамды,
Мектебімді
Ұстазымды
Есіме салды тағы жез қоңырау.



Пікірлер (0)

Пікір қалдырыңыз

Шолпанға

  • 0
  • 0

Жақыным - достар жанашыр,
Жатырқаушы едім жатты көп.
Сен енді қызым
Барасың,

Толық

Жаным Арал

  • 0
  • 0

Мен Аралдан кеткем жоқ
Айта көрме,
Жетелейді ел жаққа қайта кеуде.
Көк теңізден келген бір базаршымын,

Толық

Қалқатайым, шықтың ба қыр астына?

  • 0
  • 0

Қалқатайым, шықтың ба қыр астына?
Құртқашаштың гүлдері бүр ашты ма?
Жер жуалар бауырын көтерді ме,
Аққу-қаздар амандық сұрасты ма?

Толық

Қарап көріңіз