Ешкімді

Бір сезім тұнып іште,
Шеріндей ұлы Абайдың.
Қайғым да мұңым іште,
Ешкімді сынамаймын.
Алдандым Ібіліске,
Қол жетпес сұрап айды.
Қымбаттың құны іште,
Ештеңе сұрамаймын.
Береді пейіліме,
Бермесе бар ма амалым.
Көнсем де мейіліне,
Сұрауға арланамын.
Өтірік арсалаңдап,
Өтірік жымия алман.
Күні үшін баршаны алдар,
Қорқамын змияннан.
Тік мінез жолды байлап,
Шырмалды шынайы үміт.
Түбінде арды ойласаң,
Жеңеді шынайылық.