Өлең, жыр, ақындар

Жаңа жыл, бәрі-бәрі жаңаруда

  • 02.11.2020
  • 0
  • 0
  • 2722
Жаңа жыл, бәрі-бәрі жаңаруда,
Аспаннан ақша қар боп тарады нұр.
Тілегім бе? Тілегім – жүрегімнің,
Орындалса болғаны қалауы бір.
Ақ қармен жағаласып жүрегімнен,
Жоқты тілеп жабырқап тамады нұр.
Білемін, түсінемін, бұл жылы да,
Сор жаным еншісінен қалады құр.
Жаңа жыл, дала салют, толы шуға,
Шампан толы бокалдар соғысуда.
Тар балконнан бақылап әлі тұрмын,
От жанымның батқандай шоғы суға.
Ешкімменен ісім жоқ ешкімнің де,
Жұмысы жоқ, жайымды жорысын ба.
Бос қиялдап, баяғы бала ғашық,
Армандадым көрінсе деп жол ұшында,
Жаңа жыл, бәрі-бәрі жаңаруда,
Ашып қалды пердесін таң ару да.
Жаңара алмай тағы да тағы қалдым,
Сол қалпымда, көлшік мұң жанарымда.



Пікірлер (0)

Пікір қалдырыңыз

Көрдім де сені өзгере кеттім

  • 0
  • 0

Көрдім де сені өзгере кеттім,
Қараша қандай кез керемет бұл.
Тәтті бір мұңға шомдым да сосын,
Жырлауға ерек сөз керек еттім.

Толық

Арысым еркем, арысың қайда - оғылан?

  • 0
  • 0

Келді де кетті, жанды да сөнді жұлдыздай,
Құшақтап оны қара жер қойды-ау тұрғызбай.
Қаға алмай еркін қанатын самал жел өксіп,
Аға алмай еркін Арысым жылап жүр қыздай.

Толық

Т. Нұрмағанбеттiң "Жер иiсi" романынан соң

  • 0
  • 0

Адасып бiр бұлт келiп, ери iшi,
Қалды астында ақ жауын нөпiрде ауыл.
Көтерiлдi шаңменен жер иiсi,
Топырақты дымқылдап соқыр жауын.

Толық

Қарап көріңіз