Өлең, жыр, ақындар

Жәлап қатын,..

  • 02.05.2021
  • 0
  • 0
  • 1380
Жәлап қатын,..
жәдігөйлер,
ұрылар
маған да күн көрсетпейтін түрі бар...
(Өмірімді —
өзгелерге үлгі еткен,
дәл қазіргі көңілімді кім ұғар?)
Жәлап қатын
ойнасына жамандап,
жәдігөйі —
жатып атты,
амалдап,
Ұрыдан да сескенемін осы күн,
дос дегенім —
күле қарап,
тағы алдап...
Кім біледі,
ұқпады ма,
ұқты ма ел:
бірі —"мықты",
бірі — "мүлдем бітті",— дер,
бұтты-шатты,
өсектеді,
қарасам:
бәрінің де есептері түп-түгел.
Бірі — маған қазған орын дайындап,
бірі — жақын достарымнан айырмақ,
жер бауырлап жатса дейді, шіркіндер,
жарға соққан тас кемедей қайырлап.
Дауылыңа, жауыныңа ырғалмай
шыдайтындай,
мықты, дей ме, бүл қандай,
жәдігөйі,
жағымпазы,
жүлігі
жатып атып,
жан-жағымнан жүр қалмай.
Менде қандай әкесінің құны бар,
кісі қайда, құдайым-ау, мұны ұғар,
Маған да күн көрсетпейтін сияқты
жәдігөйлер,
жәләп қатын,
ұрылар...



Пікірлер (0)

Пікір қалдырыңыз

Бірден асып, біреуден жүрдік пе кем?

  • 0
  • 0

Бірден асып, біреуден жүрдік пе кем?
Тәтті екен-ау, дүние-ай, тірлік деген.
Жақсы екен-ау жұмыс та күнде асығып,
Шаршап-талып жүрсек те бір бітпеген.

Толық

Ақ шағалам

  • 0
  • 0

Ақ шағалам!
өзің барда болып па ем басқаға алаң,
Өзің барда, апыр-ау, көзге іліп пе ем,
аяғымның астында жатса ғалам!

Толық

Булыға ма көмекейде көмескі үн

  • 0
  • 0

Булыға ма көмекейде көмескі үн,
көңілімде күте қояр жоқ ешкім,
Тәттілігі тағы бардай шын аңсап,
бір адамды сағынардай емеспін.

Толық

Қарап көріңіз

Пікірлер