Өлең, жыр, ақындар

Таулар таулар

  • 16.11.2020
  • 0
  • 0
  • 796
Бергі таулар менің биік талғамым,
Жетпегендер шайнайтұғын бармағын.
Жеткізбеймін қол жетім жер тұрсам да,
Өткізбейтін ағысы бар арнамын.

Таудан төмен құлап жатқан белестер,
Сағым болып артта қалған елестер.
Менің мұңлы шақтарымдай монтиып,
Ойға батып жатып қалған дөңестер.

Таудан ары шөгіп жатқан тұмандар,
Арылмайтын күдік пенен күмәндар.
Алып шығып көп күдіктің ішінен,
Мені алға жетелейтін бір ән бар.

Арғы таулар жеткізбеген арманым,
Жетемін деп құлашымды қармадым.
Ақша бұлттың құшағында қап қойған,
Арғы тауға тек жырымды арнадым.

Көрінбейді биік таудың төбесі,
Елжіресе сөгіледі көбесі.
Ешкімменен шаруасы жоқ сол тауға,
Жұрттың бәрі көз тігеді неге осы?!



Пікірлер (0)

Пікір қалдырыңыз

Қия алмай...

  • 0
  • 0

Қия алмай зорға қаласың дағы,
Аласың көзден мұң ұрлап.
Екі кездесу арасындағы,
Үзіліс неге тым ұзақ?

Толық

Апама ұқсап

  • 0
  • 0

Есімде менің уыз балалығым,
(Ол кезде сезбейтінбіз дала мұңын)
Қыдырған қарттарынан еститінбіз,
Өзгерісін заманның жаңалығын.

Толық

Отан

  • 0
  • 0

Қапалақтап қар да жаусын,
Жаңбыр да ұзақ сіркіресін.
Толастамай дауыл соқсын,
Күн де ұзақ күркіресін..

Толық

Қарап көріңіз

Пікірлер