Өлең, жыр, ақындар

Жалындаған жас шырайы

  • 11.12.2020
  • 0
  • 0
  • 746
Жалындаған жас шырайы,
Шуғыласындай алтын таңның.
Жарқ-жұрқ етіп қанат жайды,
Жалауындай замананың.
Әлдилеген, алтын бесік –
Арай тулы комсомолым!
Шапағыңда еркін өсіп,
Өрт жанарлы жігіт болдым.
Нажағайдың түнді тілген,
Семсеріндей ұшқын шашқан,
Жарқылдап ең кезеңде сен,
Екі дүние майдандасқан.
Бұлтын жыйған көкірегіне,
Дауылында әділеттің.
Топшың бекіп, түледің де,
Көгіне ұштың келешектің.
Сескенбестей жер сілкінсе,
Жүрегіме ерлік ектің.
Елемейтін сен киліксе,
Енисейдей өжет еттің.
Өтіп жатыр айлар, жылдар
Келер күннің жолын тартып.
Үміті әлем осы шығар,
Бара жатқан біздер артып.
Партияның көрігінде,
От шыңдаған болат тұрғын,
Арманының серігіндей,
Шешер сырын бар ғасырдың.
Әлдилеген, алтын бесік –
Арай тулы комсомолым!
Барар өрге ерте жетіп,
Арманым жоқ алсам орын!



Пікірлер (0)

Пікір қалдырыңыз

Күзетші қойшының жыры

  • 0
  • 0

Айлы түнде момақан қой аңсап таңды жатады,
Қалың өзен қыбыр-жыбыр шыбындап тіл қатады.
Бөрі әккілер баспалайды, қанды сәтін аңдиды,
Қарауыл ай бҰлт жастанып, бейғам көктен қалғиды,

Толық

Футбол

  • 0
  • 0

Қашады топ түлкідей бейне,
Аңшылар қуған айнала жүйткіп.
Ормандай күзгі сирейді кейде,
Қалыңдап тобыр құйындай ұйтқып.

Толық

Асыққан алыстағы ақша таңға

  • 0
  • 0

Асыққан алыстағы ақша таңға,
Сал ақшам ат шалдырмас қақсасаң да.
Қондырып аққу-айды иығына,
Салады ымырттың ол тұйығына.

Толық

Қарап көріңіз

Басқа да жазбалар

Пікірлер