Өлең, жыр, ақындар

Әріп теруші қызға

  • 11.12.2020
  • 0
  • 0
  • 1284
Бөбек болып асылар ем мойныңа
Күле келсе осынау тұңғыш кітабым.
Қуанышым сыймас, сірә қойныма,
Десем дағы қанша сабыр тұтамын.
Өзің туған ел-жұртыңа саналы,
Сен тоқыған қанша кітап тарады!
Өміріңнің шежіресі емес пе,
Жұрт ақтарған соның әрбір парағы,
Он саусағың қара майға малынып,
Қорғасынға қалағанда жырымды;
Жылы ұшырар шырайлы сөз табылып,
Сырласындай болып кетсе бұрынғы...
Дүниеге жаңа келген сәбиге
Көз салғанша әркім құштар, әрине.
Алғашқы арман ыстық екен адамға,
Енді өзің біл, қамын, қалқам, амалда!
Өзің туған ел-жұртыңа саналы,
Сен тоқыған қанша кітап тарады!
Талабынан өмірі қысқа адамның
Сырғып сағат, уақыт өтіп барады.
Бөбек болып асылар ем мойныңа,
Күле келсе осынау тұңғыш кітабым.
Қуанышым сыймас, сірә қойныма,
Десем дағы қанша сабыр тұтамын.
Жас баладай алған тұңғыш әліппе,
Шаттанармын, шіркін жүрек жарылмас!
Байғазың бар сенің әрбір әріпте,
Өле-өлгенше ұмытпаспын қарындас!



Пікірлер (0)

Пікір қалдырыңыз

Махаббат әні

  • 0
  • 0

Махаббат егіз екен, қалдым жалғыз,
Боздаймын жапан түзге шығып аңдыз.
Орнына жеңге селеу біткен шеңгел –
Тартады етегімнен бейне балдыз.

Толық

Шөлейт-шөлде, қараша үйде туыппын

  • 0
  • 0

Шөлейт-шөлде, қараша үйде туыппын,
Панасында кереге мен уықтың.
Сарша белде тәнімді алғаш жуыппын,
Қайда жүрсем шөлейтке сол жуықпын.

Толық

Армысың, алыстағы аяулы аулым

  • 0
  • 0

Армысың, алыстағы аяулы аулым,
Мен де кең дүниеде есен-саумын.
Тек қана құрдастармен сайраңдаған
Сағындым кербез төсін Қаратаудың.

Толық

Қарап көріңіз

Басқа да жазбалар