Өлең, жыр, ақындар

Сүйемін мен ботаның боздағанын

  • 11.12.2020
  • 0
  • 0
  • 728
Сүйемін мен ботаның боздағанын,
Сағынышты қайдағы қозғағанын.
Сүйемін мен тырнаның қайтар кезде
Зеңгір көктен «Хош, хош!» деп созған әнін.
ІІІешем менің сауыншы, өзім ақын,
Қайда жүрсем малшыға жаным жақын.
Самолетпен аспанда келе жатып,
Сағынамын колхоздың ақбоз атын.
Қой маңыраса көрмекке қошақанын,
Мен өлеңнің қозысын босатамын.
Дөңгеленген таңы аппақ ақбөкенді
Бишісіне даланың ұқсатамын.
Сүйемін мен ботаның боздағанын,
Сағынышты қайдағы қозғағанын.
Махаббаттың базары өзіңде ғой,
Күндемейді өзгеден озбағанын.
Табиғаттың төсінде өскенмін мен,
Нелер қызық басымнан кешкенмін мен.
Шала мас боп шарапсыз сахарада,
Сары желдей сары атпен ескенмін мен.



Пікірлер (0)

Пікір қалдырыңыз

Табиғат жұлдыздардан шашу шашып

  • 0
  • 0

Табиғат жұлдыздардан шашу шашып,
Шалғайдан Айды қойған көлеңдетіп.
Киініп жасыл киім болған ғашық
Жер шары өзендермен өлеңдетіп.

Толық

Кеме үстіндегі таныстық

  • 0
  • 0

Тартып сапар Еділ-Донға,
Шықты кеме Москвадан.
Дегендей-ақ «Сапар оңға!»,
Қақ жарылды тасқын алдан.

Толық

Келді де ақтық күнің, Іскендерім

  • 0
  • 0

Келді де ақтық күнің, Іскендерім,
Белгіге өшпес із сап, тістенді ерін.
Сусынға жұтылды емдей қызыл шарап,
Қорек боп ішке еріксіз түскен шерің.

Толық

Қарап көріңіз