Өлең, жыр, ақындар

Бұлттар

  • 02.01.2021
  • 0
  • 0
  • 728
(экспромт)
Бұлттар ауып барады қаңбақтардай,
Немесе атам қуған қалмақтардай.
Ағыл-тегіл көз жасын көрсетпеуге,
Тас төбемнен әрі аунап аулақ барғай.
Бұлттар ұшып барады күндерімдей,
Зырылдаған, зулаған дүрмегімдей.
Немесе Ескендірдің көп қосынын
Жайпаған үнділердің пілдеріндей.
Бұлттар көшті төбемнен — сең көшкендей,
Немесе жаз жайлаудан ел көшкендей.
Бұла жүрек бұлқынад бір көшті аңсап,
Тоқтатамын, тыямын мен дес бермей.
Бұлттар, бұлттар... бұйдасын шұбыртады,
Бізді жерге байлаған ғұмыр қамы.
Көктем-күзде беймәлім көшті аңсағыш,
Көшпелінің мен едім бір ұрпағы.
Бұлттар, бұлттар, бұйратың сүйікті тым,
(Аспан сүйген асқақтау биік бітім).
Керуеніңе мен қосқан боз тайлақ деп,
Ошағымнан ұшырдым сұйық түтін.
Бұлттар, бұлттар...



Пікірлер (0)

Пікір қалдырыңыз

Кертолғау

  • 0
  • 0

Жаздың да соңғы Күні ұшты көкке
салыңқы салқын жымиып.
Тақалды уайым-қылыш жүрекке,
қолқада толқын тұр ұйып.

Толық

Мен бұлтпын үнсіз сырғыған

  • 0
  • 0

Мен бұлтпын үнсіз сырғыған
Адамзат шөлінің үстімен,
Абылдың көрінің үстімен.
Қабылдың күнәсін шыжғырған

Толық

Балқаш, Балқаш, көл кеудеңе мұз қатты

  • 0
  • 0

Балқаш, Балқаш, көл кеудеңе мұз қатты,
Суық күз кеп, сынық тісін сыздатты.
Шағалалар шарқ ұрады төсіңде,
Қара талдар қалтырады кешіңде.

Толық