Өлең, жыр, ақындар

О дүниенің қоңырсы исі жайлаған

  • 12.02.2021
  • 0
  • 0
  • 769
О дүниенің қоңырсы исі жайлаған,
Түсініксіз көрінеді айналам.
Кейде – өлімін, кейде тірі күн кешем,
Бұ жалғаның жұмбақ қалар әй, маған.
Құбыламды болжай алмай шаршадым,
Менің ғана иығымда барша мұң.
Құдай, құдай естісе егер құлағың,
Бір күн тынбай айтатұғын бар шағым.
Таба алмадым ешбір опа, барқадам,
Мендік базар тым ертерек тарқаған.
Қаңырығы түтеп жүрген біреумін,
Зіл батпаның түспей қойған арқадан.
Кенеледі нәзік жаным зар-мұңға,
Қара шынжыр шылдырлаған қарғымда.
Теткіп ұстап, опындырдың оңдырмай,
Қасіреттің қара орманы бар мұнда.
... Тірлік кешу неткен сонша күлкілі ең,
О дүниенің қоңырсы исі мүңкіген.
... Егер сенің жемқор әкең болмаса,
Сен де мендей тентіреуің мүмкін ең...
Есікті аштың әкеңнің сол кілтімен.



Пікірлер (0)

Пікір қалдырыңыз

Саңмүйіздердің қалтасы бопыр ақшалар

  • 0
  • 1

Саңмүйіздердің қалтасы бопыр ақшалар,
Бояуы керім, алыстан соқыр-ақ шалар.
Ұмытты мүлде туғаным – барлықтың буы,
Көз жұмсам оқыс – сәл жоқтап, топырақ салар.

Толық

Тақымында тағдырдың езулеген

  • 0
  • 0

Тақымында тағдырдың езулеген,
Бара жатыр теңселіп сезім-кемем.
Көздің жасын біреулер сатып тұрды,
Соны көріп кеудеден безуде өлең.

Толық

Бейнеуі жоқ, қасынамын сидаға

  • 0
  • 1

... Бейнеуі жоқ, қасынамын сидаға,
Әуем кетті, әулекіңді қинама.
Пәйтін таппай пәтшағарлық айланың,
Бір-ақ құлаш байланамын бұйдаға.

Толық

Қарап көріңіз