Өлең, жыр, ақындар

Осы кеудем түбінде алып тынар

  • 12.02.2021
  • 0
  • 0
  • 508
Осы кеудем түбінде алып тынар,
Өмірімнің бетінде қалытқы бар.
Қалай ғана қиямын қара жерге,
Жүрегімді жерлеуге сауық құмар?
Қара мұңның кетем бе далдасында?
Тәнім қалсын, ал, жаным, самға шыңға.
Келіп түнеп жүрейін, мұрсат берші,
Қара өлеңнің қайнаған қамбасында.
Талай кездім көшені сенделіп мен,
Кінә артпаймын ешкімге пенделікпен.
Жасырынып жатпаймын жер астында,
Тасжарғандай тұрамын өрге біткен.
Кетіп жүрген кезі ғой сөзге есенің,
Әлі талай сынға мен кездесемін.
Өлеңінде – азамат, өмірде – арам,
Ақындардай емеспін, өзгешемін.
... Түбінде бір қу кеудем жанымды алар,
Өлең қалар лаулаған ... шағыл қалар.
Көз жұмармын шағымда лапылдаған,
Егер мені сағынсаң, сағымға бар.



Пікірлер (0)

Пікір қалдырыңыз

Өмірде көп көкбеттігі көкбеттің

  • 0
  • 1

Өмірде көп көкбеттігі көкбеттің,
Зұлымдықтар мәуе жайды, көктеп тым.
Бәрі соның ауанында, амалсыз,
Көрді дейсің қарсы тұрып, тектеп кім?

Толық

Жүрекке арыз

  • 0
  • 0

Жылап қалды нәресте қалтаңдаған,
Кетті әкесі соңына жалтаңдаған.
Дәрухана.
Жүрген ем ауласында,

Толық

Ғарышкер Тоқтар Әубәкіровке

  • 0
  • 0

Бетегелі сардала сағым жапқан,
Астық берген саң мың пұт – шағың мақтан.
Байқоңырың – ғарыштың дарбазасы,
Сүрен салып, әлемге дабыл қаққан.

Толық

Қарап көріңіз