Белгісіз менің аужайым

Белгісіз менің аужайым,
Тірлігім бар ғой шап-шағын.
Ұстамай өлең шаужайын,
Жеткізбес маған бақ-сағым.
Тақуа тағдыр долданған,
Бетіңді жыртар бәтшағар.
Тастүлек едім қомданған,
Құрдастар бүгін жат санар.
Жасыдым қайтем, қамықтым,
Пешене пәңгі пенде етті.
Құлақ бауына қамыттың,
Оралдым,
Көрдім – бейнетті.
Шандылдым мықтап сорға мен,
Бәтуа жоқ қой жалғанда.
Қиналып жазам зорға өлең,
Әдіра бәрі қалған ба?..

---