Бәйтерекке

Біраз болды тұратынсың сүйінтіп
Жамылып сен көз алдымда жасыл нұр.
Қабығыңа мені теліп күй ынтық
Сендім оған арманымды асыл бір;
Бір жыл бұрын қос бойтұмар жап-жарық
Сәулеленіп көлеңкеңде тұр еді;
Ешқандай кір сақтай алмас, ақтарып
Мүбәрәк пәк балалардың жүрегі!..
Солай, иә! - сәби болып әй тегі! –
Іңкәрліктің жеңіл түсі өткендей;
Үміт жібі нәзік келсе қайтемін
Қас-қағымда сол үзіліп кеткендей.
Махаббатым солды менің сонымен
Қайта бүршік атпайды, оған наламын;
Өтесем ғой қанмен өмірін оның мен, -
Бірақ, қайтіп барды өзгерте аламын?
Шабыт сөніп, ыстық сезім суып ең
Қалай сөйтіп оралмастан кетеді?
Сал тіршілік толқынының шуымен
Жас жүрекпен күрессем мен не етеді?
Жоқ, жоқ, — мәңгі рухым өз күшінде,
Ғасырларды көктей өтіп барады
Бұл бұтақтар қабірінің үстінде
Шерлі әншіні әспеттесе жарады!