Өлең, жыр, ақындар

Қыстауым, балдәуренім, Көлденеңім

  • 14.02.2021
  • 0
  • 1
  • 731
Қыстауым, балдәуренім, Көлденеңім,
Зарығып, сағыныштан шөлдегемін.
Шіркін-ай бақытты кез ...
Сенен басқа,
Еске алар ештемем жоқ өңге менің.
Шұрқырап жататұғын жылқыларым,
Тұлпар ғып көрсететін тұрқы бәрін.
Мініп ап бозжорғама
Ағызсам-ау,
Кете ме тарқамай-ақ бір құмарым?
Жүретін көңіл тасып мелдегінен,
Дәметіп, ел қызыққан мендегіден.
Ер-тұрман бекзадалық, күн таласқан,
Содан соң нағыз саңлақ менде кілең.
Тисе аяқ үзеңгіге ала қашқан,
Күлікті қастерлегем бала жастан.
Қара жер бауырыңа жинатылып,
Болады тақиядай тәмам аспан.
Сүйсініп, әкем сонда елжіреген,
Тізгінді одан сайын мен жіберем.
Сағынып отырғанда туған жерді,
Көмейге құйылып бір,
Кел, жыр-өлең.
Қыстауым, қасиетті Көлденеңім,
Зарығып, сағыныштан шөлдегемін.
Шіркін-ай, бақытты кез –
Сол бір уақ,
Дүние шыр айналып, дөңгеледің ...



Пікірлер (1)

Пікір қалдырыңыз

Ымым шықпай

  • 0
  • 0

Ымым шықпай,
Дымым шықпай тұншықтым,
Жанарымда, жүрегімде мұң ... шық ... мұң ...
Қарашыққа қасіреттен тұрды қақ,

Толық

Күн ызғарлы суық тым

  • 0
  • 1

«Күн ызғарлы суық тым,
Майы қашқан қуықтың.
Қыз-қыз қайнар кезімді,
Әлдеқашан ұмыттым».

Толық

Үлбіреген нәп-нәзік шырқың қандай?

  • 0
  • 1

Үлбіреген нәп-нәзік шырқың қандай?
Қарай берем көзіңе тылсым бардай.
Тылсым бардай, жүрегім қымсынғандай,
Жарар еді тіл қатсаң тыншымды алмай.

Толық

Қарап көріңіз