Өлең, жыр, ақындар

Отарды айдап келеміз

  • 14.02.2021
  • 0
  • 1
  • 818
Жая жегеннің баласы – жая жеп, шылқып жүр,
Қоңыз тергеннің баласы – қоңыз теріп, қыртып жүр.
(Ел арасындағы сөз)

Отарды айдап келеміз,
Сағым дала ...
Ұмыт болған жайдарман шағым мана.
Кеберзіді
Ерінім аптап күннен,
Кездеспеді бір бұлақ:
Бағың – бала.
Жыбырлатты ащы шаң
Кеңсірікті,
Зорға ілбимін сүйретіп,
Мен сырықты.
Кірпігімді тұтап қап әппақ тозаң,
Айғыз-айғыз арқаға тер сіңіпті.
Бас айналды
Ми түсіп,
Таңдайыма,
Бақ бітпепті,
Сор біткен маңдайыма.
Туа сала жөргекке
Оранбаппын,
Ораныппын,
Бейнеттің шалғайына.
Әкем бірақ, селт етіп мызғымады,
Осы сұсы сұрланған бізге ұнады:
Қоңтәжінің айбыны,
Қасқайып-ақ,
Өте шығар нешеуін құздың әлі...
... Шөл буады...
Сабырмен саба басып ...
Отарды айдап келеміз,
Жағаласып.
... Тентіреткен тәңірге дауа бар ма?
Сағым кетіп барады
Лаға қашып...



Пікірлер (1)

Пікір қалдырыңыз

Мен құдайға дәнеме істей алмаймын

  • 0
  • 0

Мен құдайға дәнеме істей алмаймын,
Майы бітіп, сөнетұғын шамдаймын.
Тасмаңдаймын пенделердің ішінде,
Туады екен әлі алдымда

Толық

Қалың ойдың

  • 0
  • 0

Қалың ойдың
Жатырмын далдасында,
Жабығу мен торығу
Жамбасымда.

Толық

Қара ат көрдім жапанда лаға безген

  • 0
  • 0

Қара ат көрдім жапанда лаға безген,
Сәйгүлікке құмар ем бала кезден.
Ұлытауды кісінеп үш айналды,
Мөлт-мөлт етіп ыстық жас тана көзден.

Толық

Қарап көріңіз