Өлең, жыр, ақындар

«Турчанкада» қан жамылды бір гүжбан

  • 21.02.2021
  • 0
  • 0
  • 473
«Турчанкада» қан жамылды бір гүжбан,
«Самопалдан» хан сарайын тұрғызған.
Текпіріне тастап кеттім
Тепкілеп,
Көкіректе жүрек тулап
Тұр,
Қызған.
Бүксік исі мүңкіп шықты
Қойнынан,
Сұрқиялық билеп алды
Ойды лаң.
Тағып қойдым галстугын итіне,
Салпаңдатып,
Шешіп алып мойнынан.
Бардың ісі пәрменменен ілгерлеп,
Жоқтың ісі дәрменменен
Күрмелмек.
Сарайына қарап тұрып,
Талтайып ...
Ашу мен кек көкіректі тұр кернеп.
Қулығы жоқ қазақ қайтіп күн көрмек?
Бата алмайды
Заң дегенің бұ сұмға,
Алшаңдады нарық ... қарық тұсында.
Қазағымның қалтыраған саусағы,
Сол саусақпен теңгеңді итке
Ұсынба!
Арақ деген біреуі «артық»,
«Кем» бірі,
Өтер талай халықаралық тендеры.
... Жем бөктіріп,
Жынды суын сататын,
«Турчанканың» көпесі жоқ
Енді ірі.



Пікірлер (0)

Пікір қалдырыңыз

Тоғызыншы тыныс

  • 0
  • 0

Бір мен үшін қызығы жоқ,
Бұл ғалам,
Сағым бәрі,
Қолды алыстан бұлғаған.

Толық

Тана көзің мөлдіреп, жас тамады

  • 0
  • 1

Тана көзің мөлдіреп, жас тамады,
Тоты көңіл бұйығып, пәс болады.
Сүдініңде сұлулық сұқтандырар,
Елестетер қылығың жас баланы.

Толық

Наурыз

  • 0
  • 1

Әлімсақтан наурыз жылдың басы,
Анық енді Ұлыстың ұмтылмасы.
Әсте түсіп көрген жоқ
Ауылымның,

Толық

Қарап көріңіз