Өлең, жыр, ақындар

Кетті өмірім сұрықсыз күреңденіп

  • 21.02.2021
  • 0
  • 0
  • 847
Кетті өмірім сұрықсыз күреңденіп,
... Кенеуі жоқ тірлікке ірең беріп.
Мұқағалиды ауыртқан сол бір келіншек,
Меніменен бүгінде жүр емделіп.
Ойға ой қосып, аздай-ақ еселеді,
Уайымға батырдың.
Не себебі?
Қазағымның қызысың бидай өңді,
Көрінесің сұлу да көшебелі.
Қалдым бүгін көтеріп, еңсемді ептеп,
Көрдім-дағы нәр алдым: сенсең – көктеп.
Дертті жүрек тулайды алып-ұшып,
Кездейсоқта өзіңе келсем беттеп.
Теткіп ұстап бойыңды.
Ындынымды,
Құлаттың ғой,
Ақтарттың шындығымды.
Көкіректің онсыз да кеселі бар,
Айтқанменен, ұғынар кім мұңымды?
Айта алмаспын ештеме, түк те өтініп,
Кәусар сезім кеудемде бітпе тұнық.
... Менен бұрын сол келіншек шығып кетіп,
Төсегімде қап қойдым бүктетіліп.



Пікірлер (0)

Пікір қалдырыңыз

Баса алмайтын шығармын солығымды

  • 0
  • 0

Баса алмайтын шығармын солығымды,
Сыр ашатын адамның жоғы – мұңды.
Ісіп кеткен бет-аузым көнектей боп,
Араладым, өлілер, қорымыңды.

Толық

Жабыңқылау жаңбыр жауған сүркей түн

  • 0
  • 0

Жабыңқылау жаңбыр жауған сүркей түн,
Қара бұлты ақ сәулені бүркейтін.
Ми шағатын шарқая үнді найзағай,
Жаңбырдан соң қаптап кетті шіркей тым.

Толық

Қапаланып

  • 0
  • 0

Қапаланып,
Жанымды жаныштадым,
Алыстамын,
Мен сенен алыстадым.

Толық

Қарап көріңіз