Өзiң болдың қалауым, таңдағаным

Өзiң болдың қалауым, таңдағаным,
Жүрегiме жанардан отың ұшты.
Бозторғайдың арайлы таңдағы әнiн,
Бiрге тыңдай алмаймыз, өкiнiштi.
Сағым сәтке созамыз қолымызды,
Ақ жауындай сағынышты төкпелеп.
Наз айтамын ешқашан жолымызды
Тоғыстырмас тағдырыма өкпелеп.
Өмiрiм мұң, өксiтедi қала мұң,
Жүдеу халмен өткiземiн түндi аппақ.
Жалғыз өзiм тағы кетiп барамын,
Жүрегiме елесiңдi құндақтап.

---