Өлең, жыр, ақындар

Пейзаж

  • 21.03.2021
  • 0
  • 0
  • 1679
Қанатын баяу қағады,
Күнгейге тартқан тырналар.
Жайылып жырақ маңады
Аңызды алтын қырда мал.
Апкүрең отты шарапқа
Толғандай аспан бокалы,
Самалды салқын алапқа
Жұпарын сеуіп шашады.
Жаяу жел таспа өреді
Құбақай жолдың шаңынан,
Аяңдап қана ереді
Аттылы бала соңынан.
Қонды күн қоңыр кезеңге
Алыста жатқан аласа.
Дамылдап алып өзенде,
Қайтадан ұшты қараша.
Ауылдың оты жамырап,
Самсады сосын самала:
Түн түсті самсоз салбырап
Күздегі делсал далаға.
Тек қана шопан шалғайда
Бейуақыт тыным көрмейді,
Басып ап насын таңдайға,
Үркерді санап көлбейді.



Пікірлер (0)

Пікір қалдырыңыз

Қыз қуу

  • 0
  • 0

Төрт өрме қамшы сарт етті,
Арғымақ атқып жұлқынды,
Жанары қыздың жалт етті,
Жарысып желмен ұмтылды.

Толық

Еділ

  • 0
  • 0

Мен туып-өскен едім жағаңда, Еділ,
Асылым, ақ бесігім, анам да Еділ.
Япырмау, сүйсе де жұрт туған жерін,
Тең түсер мекен бар ма саған да, Еділ!

Толық

Ар

  • 0
  • 0

Тәңірім сен! Жаббар, саған бағынам,
Жалбарынам, жалғыз саған жалынам.
Патша тәжі жолда жатса, қайрылмай,
Теуіп өтіп, тап алдыңа табынам.

Толық

Қарап көріңіз

Басқа да жазбалар