Өлең, жыр, ақындар

Сағынамын

  • 06.04.2021
  • 0
  • 0
  • 821
Жүрек сыздай бір жанды сағынамын,
Бұ не ғажап!, тек соған шағынамын.
Көріктіме дана ма батыр ма екен
Кім болса да бас ием тағына мың.
Соған тартса үйдегім, қиядағы ұл,
Ұқсаса екен шеттегі, ұядағым.
Арсыз жанға кездессем бетім күйіп,
Байқап қалды-ау деп содан ұяламын.
Ол елдерді ел етер елдестіріп,
Ол жұрттарды жұрт етер жерлестіріп.
Салыстырсам қомсынам бұ заманның
Жақсыларын онымен шендестіріп.
Айналды ойдың сол бір жан мәйегіне
Берсе сондай, Ұлы Алла, пай, еліме
Сол адамнан кем түсіп не бір ойы,
Обал боп жүр кей-кейде әй, еліме.
Ашылмайды қабағым қатыңқылау,
Елдің байқап болмысын, затын, "тымау".
Қатпар дертке халқымның ем таба алмай,
Суық шалды жан-тәнді, шашым қырау.
Сондай таңда мені де күтеді өлең.
Сондай сәтте үзілем, бітеді, өлем.
Дәл сол шаққа жеткенше үміт үзбен,
Сол бір жанды сағына күте берем.



Пікірлер (0)

Пікір қалдырыңыз

Ауыл ақсақалы

  • 0
  • 0

Үлкен бапам Айдарбекке.
Отаны изен, жусан, ажырықтың –
Аулымда тіршіліктің сазын ұқтым.
Сол жердің киесіндей бір ақсақал

Толық

Қысыр бұлттар

  • 0
  • 0

Бұршақ шашып, шеке жарып,
Нөсерлетер бұлттар да бар.
Сол қасиет кеткен дарып,
Тау бойында ұлттар да бар.

Толық

Шүкіршілік

  • 0
  • 0

Алда талай арман бар — сағым-сонар.
Інілер бар аға дер, бағым солар.
Ата дейді, көпшілік, бұ күндерде,
Төрден орын береді, тағым болар.

Толық

Қарап көріңіз