Өлең, жыр, ақындар

Рас, көке, бұл айтқаның, таң қалатын сөз еме

  • 15.04.2021
  • 0
  • 0
  • 761
«Бес жүз қабат үй салу да емес бүгін боз елес,
Ақшаң болса «маймылды да» бастық сайлау сөз емес»
М. Шаханов

Рас, көке, бұл айтқаның, таң қалатын сөз емес,
Шүлдірлеген мына бізге кімдер мылтық кеземес.
Желтоқсаггың жолбарысы көш бастаған сен едің,
Алтын басты көкбөоі едік, жылтыраға жез емес.
Желтоқсанды айтқан кезде қан да қайнап кетеді,
Далбасалап қалған қазақ отқа өртеніп өтеі.
Бабаларым осы күнге жетелеген үмітпен
Дал-дұл болып, алба-жұлба шеңгел сырған етегі.
Темір таяқ теңгедей боп, темір етік тебендей,
Бізге жеткен бабалардың жүрген жолы өлеңдей.
Шегір көздің табанында қалып кеттік бір кезде,
Ешнәрсеге жарамай да, ешкімгеде еленбей.
Қатал заңды талқандаған Желтоқсаннан айналдым,
Қазағымның мұңды үніне шер қосқаннан айналдым.
Қазағымның сол ерлігін бар әлемге паш еткен
Өзіңіздей қаһарманым, төл қасқамнан айналдым!
Мұқтар көке, арызым көп айтатұғын термелеп,
Біздер үшін қазақ бөлек, Желтоқсан мен Сен бөлек.
Сендей ұлдың арасында рухымыз келеді,
Тайғанақтап тозған табан тауға қарай өрмелеп.
Орыстардың жетегінде шенділер жүр тірлікте,
Айналғандай бала кезде біз ойнаған шүлдікке.
«Қазақ жауы - қазақ» дейді, жұлыстырып біздерді,
Қашан ғана жетер екен қара қазақ бірлікке?

5 ақпан, 2007 ж



Пікірлер (0)

Пікір қалдырыңыз

Қаратау бар қазаққа шаңырақ еді

  • 0
  • 0

Қаратау бар қазаққа шаңырақ еді,
Қапталда жетім қозы маңырап еді.
Басынан Қаратаудың көш көрінсе,
О баста көшті үркіткен қалмақ еді.

Толық

Ары өтесің, қыдырып бері өтесің

  • 0
  • 0

Ары өтесің, қыдырып бері өтесің,
Көңілімнің кетіріп берекесін.
Қиялдарға жетелеп өзгешелеу
Мені бір сәт дүниеде сері етесің.

Толық

Қыңсыладың қиналып, арсылдамай

  • 0
  • 0

Қыңсыладың қиналып, арсылдамай,
Екеумізді кім сірә, керек етсін?
Жаралғаннан болып ең арсыз малай,
Зарлағанда құдайға не демексің?

Толық

Қарап көріңіз