Өлең, жыр, ақындар

Қалса қарыз өтелмей

  • 02.05.2021
  • 0
  • 0
  • 609
Қалса қарыз өтелмей,
қарғамас па ел кейін,—
бүгін өле кетердей,
күңірене бермейін.
Құдай қуат берсе енді,
жырды қойып жылауық,
бетегедей еңсемді
көтерейін бірауық.
Тұншықтырып үнімді,
тұсап келе жатқан кім?
Сыры қайда бұрынғы
сыбдыр қаққан бақтардың?
Басылмады бір даң-дүң,
тасынбады мерейім,
Жылтыраған жылғамның
кім бітеген көмейін?
Бақ,-
дәреже — бәрі үркіп,
келмесе де құр қалғым,
жан-жағымды тарылтып,
қолды байлап тұрған кім?
Қызықтырып қойды арман,
жеттім қанша,
жетілдім,—
Секірмедім тойғаннан,
тоңғандықтан секірдім.
Болды қайғым атқа жүк,
айтпағаным ұят-ты,
Көңілім де қатты азып
бара жатқан сияқты.
Емешегі үзілер
ешкімді іздеп таппадым.
Қандай ғана қызық ел —
қарап жүріп,
жақпадым.
Содан шығар
жылауық
болып алса өлеңім,
еңсемді де бірауық
көтере алмай келемін.
Еңбегім де өтелмей,
сөз суырып тереңнен,
бүгін өле кетердей,
күңірене берем мен!



Пікірлер (0)

Пікір қалдырыңыз

Жаңғырып құлағымда қай-қайдағы үн

  • 0
  • 0

Жаңғырып құлағымда қай-қайдағы үн,
келеді ара-тұра айғайлағым:
осылай өткені ме, деймін де, өмір,
шынымен кеткені ме жанбай бағым!

Толық

Жан аға

  • 0
  • 0

Жан аға
Күн болып көтерілген.
Алаштың арасынан,
Сәкен Иманасов

Толық

Қызығымның былайғы тастап бәрін

  • 0
  • 0

Қызығымның былайғы тастап бәрін,
келіп еді тағы бір асқақтағым,
бас тартқаның демесең болды, жаным,
қашқақтадым,

Толық

Қарап көріңіз