Өлең, жыр, ақындар

Неге екен, неге?..

  • 16.08.2021
  • 0
  • 0
  • 470
Неге екен, неге?..
Өлеңiм қашып жүр менен,
Күндiз шақырам, iздеймiн оны түнде мен.
Тып-тыныш қана айдыным жатыр жел аңсап,
Жалыны сөнiп, шоққа ұмсынған құр денем.
Қашып жүр менен құрыққа көнбес асауым,
Үмiтпен күнде жолына арқан тосамын.
Бiлiп тұрамын жаныма бiр сәт жақындап,
Жалт берiп сосын кеудемнен бiр-ақ асарын.
Жатырқап қалды,
әлде ұмытты, жатсынды,
Тағдырын, бәлкiм, басқа тағдырға тапсырды.
Қашып жүр менен өлеңiм – бiр-ақ қонатын,
Ұстап ала алсам қайта ұшпайтын бақ сынды.
Жолаушы едiм, бекет те бекет, аты – лау,
Сапарым ұзақ, шын жолдас керек, батыр-ау...
Қашып жүр өлең – қия алмай менi жүр өлең,
Екеумiз қайта табысар күн де жақын-ау...



Пікірлер (0)

Пікір қалдырыңыз

Анама

  • 0
  • 1

Бола бермес уақыт та өктем ұдай,
Бәрін жайлап реттейді көкте Құдай.
Өміріңнің жазы тез өте шықты,
Күрең күзі көсіліп кеткенін-ай...

Толық

Жазған-ай, осы күйден арылмадым

  • 0
  • 0

Жазған-ай, осы күйден арылмадым,
Неге мен сөнер жерде жағылғамын?
Жатырқап отырысым мынау ендi,
Әлемдi, дүниенi...

Толық

Бұл жолы көп қинады, ойланды Өлең

  • 0
  • 0

Бұл жолы көп қинады, ойланды Өлең,
Жатқан-ды жүрегiмде қайнауменен...
Желкенiн желге төсеп кеттi-ау жүзiп,
Мезгiлсiз қайырлатып қойған кемем.

Толық

Қарап көріңіз