Өлең, жыр, ақындар

Ағалар

  • 02.05.2021
  • 0
  • 0
  • 1135
Ардақты асылзада ағалар-ай,
сендерді жүрміз бе әлі бағаламай,—
өнеге емес пе еді өмірлерің,
көңілің
көлден ұшқан шағаладай.
Алдырмай асу бермес өрге белін,
серт берсе —
семсер болып сермелерім,
біздерді қыл көпірден өткізген де,
бұл күнге жеткізген де сендер едің!
Ес тұтып өздеріңді өспеп пе едік,
қашан біз алдарыңнан кескектедік,
сендерді дауға қойды ел,
жауға қойды,
қарулы қолдарыңа кескек беріп.
Жаралған жөні бәлек ұл едіңдер,
тілеуін туған елдің тіледіңдер,
жыртығын жамадыңдар қара жердің,
иықпен аспанды да тіредіңдер.
Біз үшін дауылға да дара барар,
аман-сау жүріңдерші,
нар ағалар,
ұл бар ма болам дейтін,
толам дейтін,
алдымен өздеріңе қарап алар.
Кеншілер,
кемеңгерлер,
ғұламалар —
жарқылдап арамызда жүр ағалар.
Бұлт қонса басымызға,
бақыт үркіп —
қасқайып,
қарсы қарап тұра қалар!
Ардақты асылзада ағаларым,
өтсін жыл,
өтсін өмір —
санама күн,—
ызғарға алдырмайды ел сенімі,
біз барда жыртылмайды жағаларың!



Пікірлер (0)

Пікір қалдырыңыз

Көкірегіме тұтқиылда кеп кірген

  • 0
  • 0

Көкірегіме тұтқиылда кеп кірген,
қылыштасып қара құйын — көп мұңмен,
қуанышқа жету үшін бүгінгі
қаншама бір қан майданнан еттім мен.

Толық

Қырға шығып

  • 0
  • 0

Қансын құмар, қалсын да бір басылып,
Қырға шығып қайтайын, қырға шығып.
Көптен бері көңіл де алағызып,
Кермені үзер тұлпардай тұрды асығып.

Толық

Дәлеледеп келем

  • 0
  • 0

Ұнатам әлі тазаны ғана,
түгім жоқ, досым, өзгерген,—
өмірдің ащы азабына да,
мазағына да төзгем мен.

Толық

Қарап көріңіз

Пікірлер