Өлең, жыр, ақындар

Жағынбадым әкіміңе, әмірге

  • 31.05.2021
  • 0
  • 0
  • 575
Жағынбадым әкіміңе, әмірге,
жалбарына жалынбадым тәңірге,
намысымды берген жоқпын қолымнан.
көнген жоқпын қиянатқа, жәбірге.
Бала жастан алдым солай бекініп,
маған да ешкім көрген емес зекіріп,
ала жібін аттамадым ешкімнің,
аллаңды да мақтамадым өтірік.
Әдетің бе ұлық емес елге ұрсу,
сен де менен күтпей-ақ қой көлгірсу,
таза болса — таза шығар көңілің,
ал біздікі — ағынды су, мөлдір су!
Ат та емеспін тұра қалар жем берсе,
жақсыларға жат та емеспін — тең көрсе,
біле алмаспын тірліктің де көп сырын,
бірақ өмір сүре алмаспын сендерше!



Пікірлер (0)

Пікір қалдырыңыз

Тірлікте күлмес үшін күндестерім

  • 0
  • 0

Тірлікте күлмес үшін күндестерім,
Ешкімнің артына мен мінгеспедім.
Ұтсам да,
Ұтылсам да –

Толық

Ішкенім де жегенім күшаладай

  • 0
  • 0

Ішкенім де жегенім күшаладай,
өмір еді неткен бұл құсаға бай,
атқылап-ақ жатқаны қайғы мен мұң,
қатар қойған қалқансыз нысанадай!...

Толық

Жасымда

  • 0
  • 0

Жасымда
(ақыры ауыр сорға ұласып),
бір қызға құшағымды көрдім ашып...
Дерліктей,

Толық

Қарап көріңіз