Өлең, жыр, ақындар

Сен де бірі сияқты ең сүйкімдінің

  • 31.05.2021
  • 0
  • 0
  • 352
Сен де бірі сияқты ең сүйкімдінің,
көкірегі көрікті күй тілдінің, ...
Осы араға келгенде жасып-ақ тұр,
қашып-ақ тұр, қайтейін, ұйқым бүгін.
Арғы жағын, ажарлым, байыпта да,
енді мені бекерге айыптама,
бір керегім болар деп жүрген едім
жүрегім мен жанымды жайып қана.
Жүрген едім болар деп бір керегім,
ашып айтып, оған да үндемедің,
қадірімді білетін сен болмасаң,
сөзім өте қойыпты кімге менің.
Сауығы аз да бүл күнде, ауыры көп,
бара жатыр көңілдің дауылы үдеп, —
ойлаушы едім өзіңді
күй тілдінің,
сүйкімдінің ішінде тәуірі деп!...
Жүйрік еді демесең баптауы кем,
жалғандыққа жасымнан жаттау ұл ем,
өзің айтып жүргендей,
мен де, қалқам.
ер-азамат ішінде тәп-тәуірі ем!...
Ардан аттап кете алмай,
жардан аттап, түнде керіп түсімде,
таңда мақтап,
айналама қарамай, айнаға да,
қайда бара жатырмын қаңғалақтап?!



Пікірлер (0)

Пікір қалдырыңыз

Тамсантып күнде таңдайды еріткен

  • 0
  • 0

Тамсантып күнде таңдайды еріткен,
қандай әдемі, қандай көрікті-ең!
Күні-түні қызып жүрсін деп мені.
үмітімді үзік жалғай келіп пе ең?

Толық

Сен — тойып кекіретін едің

  • 0
  • 0

Сен — тойып кекіретін едің,
мен — тоңып секіретін едім.
Сен — алқына беретін едің.
мен — тартына көнетін едім.

Толық

Иіп әкеп аспанды шатыр қылған

  • 0
  • 0

Иіп әкеп аспанды шатыр қылған
мойын бұрмай біз жаққа жатыр бұл маң,
қарашаның қорлығы әбден өтіп,
сән де кетіп барады ақылдыңнан.

Толық

Қарап көріңіз