Өлең, жыр, ақындар

Теріс қарап түксиіскен, түнерген

  • 31.05.2021
  • 0
  • 0
  • 531
Теріс қарап түксиіскен, түнерген,
Не жақсылық күтем дейсің бүл елден.
Еркіндікті алсақта ойып ортадан,
ескілікті аңсап қойып жүрем мен.
Одыраңдай орын алып төрден құл,
жанарымен жер шұқыса көргенді ұл,
оңып қайда барам дейсің, ағайын,
не барқадар табам дейсің елден бұл.
Көкіректе қалмағандай оттан түк,
жүректен де, тірліктен де жоқ тамтық.
Алаяқтар аяқтыға жол бермей,
Ауыздарға сөз бермейді көп тантық.
Жер ортасы жастан ауа бергенде,
кезіктіріп кесірлі құл, кердеңге,
жыланбасқа қоймады ғой қу тірлік.
...Бұдан басқа жоқ қой бірақ ел менде!



Пікірлер (0)

Пікір қалдырыңыз

Сәйгүлігім

  • 0
  • 0

Сәйгүлігім
Алғандай құшағына аспанды қыр,
Шығарып арғымақтар тастан дүбір.
Сәкен Иманасов

Толық

Қырға шығып

  • 0
  • 0

Қансын құмар, қалсын да бір басылып,
Қырға шығып қайтайын, қырға шығып.
Көптен бері көңіл де алағызып,
Кермені үзер тұлпардай тұрды асығып.

Толық

Құрдастарға қалжың

  • 0
  • 0

Айналаны дос тұтып,
Сеніп көріп,
Елірдік те,
Есірдік...

Толық

Қарап көріңіз

Пікірлер