Исраил Сапарбай

Егiлдiм саған, берiлдiм

Бұл бетте «Егiлдiм саған, берiлдiм» атты Исраил Сапарбай жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

27.06.2021
0
0
691

Егiлдiм саған, берiлдiм,
Ғашықтық сырын мың айтып..,
Өткiншi мынау өмiрдiң
Өкiнiштерi мұңайтып.
Есер жел ескен екпiнмен
Жауа алмай кеткен бұлттайын,
Қаншама жапа шектiм мен,
Жапанда қалған жұрттайын...
Жартастың жарылыстарын
Жамаған сəтте теңiз кеп, –
Шағала – сағыныштарым
Сыңсып та ұшты-ау сенi iздеп!..
Көктеммен келер деп едiм
Бақытым,
құсым,
базарым...
Көрсем деп елеңдеп едiм,
Қашан бiр жетер наз əнiң?!
Өн бойың оттай шарпылып,
Қашан бiр жүрек қауышар?
Сарғайған сезiм сарқылып,
Төзiмдi болдым тауысар.

Исраил Сапарбай егiлдiм саған берiлдiм Исраил Сапарбай өлеңдері

Пікірлер (0)

Пікір қалдырыңыз

Жиі қойылатын сұрақтар