Өлең, жыр, ақындар

Ақтарсам жүректегi жайдың бəрiн

  • 01.07.2021
  • 0
  • 0
  • 682
Ақтарсам жүректегi жайдың бəрiн.
Мен сенiң қуанышың, қайғыңдамын.
Қарап ем,
көзiң, қалқам, – айдын екен,
Жүзiп жүр аққу емес, айдында мұң.
Моншақ па?
Жанардағы тамшы мұң ба?
Тамшы мұң сенiң татар талшығың ба?
Жанарға үйiрiлген жасты көрiп
Жазықсыз жаным менiң жаншылуда.
Кiршiксiз көңiлiңе кiрбiң iлмей,
Құлпырып өссең деп ем қыр гүлiндей.
Кеудеңде бiр көк теңiз тулай ма əлде,
Мазасыз менiң мынау тiрлiгiмдей?
Сымбатты, сұлу жүзге сызат қонып,
Бiр сезiм ұшты ма əлде ұзаққа алып? –
Дертiңе дауа болар дару таппай
Дал болдым жүрегiмдi жүз ақтарып.
Бiр сөздi табуым хақ қалайда iзгi;
Тiлегiм – мұң шалмағай арай жүздi.
...Ақылдан адастырып бұл Қуаныш,
Бұл Қайғы табыстырар талай бiздi...



Пікірлер (0)

Пікір қалдырыңыз

Мен сенi жақсы көрем баяғыдай

  • 0
  • 0

Мен сенi жақсы көрем баяғыдай,
Жанымды жақсы көрген ая, құдай.
Жалп етiп өшер шамдал, жел үрлесе,
Жалт етiп өтер жалған жай оғындай.

Толық

Қабірі қайда Шəмшінің, білесіңдер ме?

  • 0
  • 0

Қабірі қайда Шəмшінің, білесіңдер ме?
Басына барып, бата оқып жүресіңдер ме?
Отыр ма əлде қасында қарақұс қалғып,
Жатыр ма əлде көміліп күресіндерге?

Толық

Мен Құдайдың құлымын, ұлы емеспін

  • 0
  • 0

Мен Құдайдың құлымын, ұлы емеспін,
Ұл болуды /құл емес/ тілемес кім?..
Құрсағынан шыққалы жан анамның
Қыр соңынан қалмаймын ұлы Елестің!

Толық