Өлең, жыр, ақындар

Қайда беттеп баратсың

  • 15.07.2021
  • 0
  • 0
  • 568
«Қайда беттеп баратсың, – деп, – əу, батыр?»
Екеумiздiң арамызда тау жатыр.
Ғұмыр жетпес тауды айналып өтерге,
Қаңғырудың қажетi не бекерге?
Төте жол да жоқ екенi белгiлi,
Не болмақшы тағдырымыз ендiгi?
Естiрмiсiң атыңды атап «əу» десем?
Əудем жерде жүр ме екенсiң əлде Сен?..
Жаңғырығып сала берер тау iшi,
Тамшының да талып шықса дауысы.
Жоқ қой бiрақ ол немеңде тiл де дiл,
Жан даусыма жауап берер кiм менiң?
Сен ар жақта... Мен бер жақта зар қақтым,
Арамызды жiбередi жалғап кiм?
Көкжиекке көмiлдi, əне, көшiп Күн...
Айды да анау айғайыммен шошыттым.
Үңiрейген түн iшiнде шоқ бүркiп
Үкi көздi Үркер де анау кеттi үркiп.
Жан сарайын жарық етер бар ма шам?
Атар екен алаңсыз бiр таң қашан?..



Пікірлер (0)

Пікір қалдырыңыз

Қазақтың Есенині бола алам ба

  • 0
  • 0

Қазақтың Есенині бола алам ба,
Тағдырын түйіп алған орамалға?
Құйрықты жұлдыздайын құрдымға еніп,
Жоқ, əлде, ізім-қайым жоғалам ба?

Толық

Сұлулық

  • 0
  • 0

Сұлулық-ай, сұлулық, жанды жедiң.
Жазылмайтын дертiм бе ең мəңгi менiң?
Əлемiне бiржола ендiм бiлем
«Мың бiр түндей» ғажайып əңгiменiң.

Толық

Сені күттім...

  • 0
  • 0

Айтылар əн,
Таусылып жазар шумақ,
Сенi күттiм, аяулым, азар шыдап.
Дəл осылай тағатсыз күтушi ем-ау

Толық