Исраил Сапарбай

Күрсiнiп салдық

Бұл бетте «Күрсiнiп салдық» атты Исраил Сапарбай жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

16.07.2021
0
0
560

Күрсiнiп салдық...
Нелiктен, неге күрсiндiк?
Түбiне түннiң түсiп кеттi ме бiр Шындық?
Селк ете қалып нелiктен, неге қымсындық?
Елп ете қалып Елеске қолды ұмсындық.
Түбiнде түннiң тұншықса қайтем Шындығым?
Жындының кейпiн кешетiн, бəлкiм, күн бүгiн?
Ағарып таңым... ашылса екен түндiгiм,
Омалып барып оңалса екен тiрлiгiм.
Күрсiнiп салдық...
Жатыр ма екен iште мұң,
Еңiреп тұрып ернiмдi неге тiстедiм?
Су екен десем...
У ма едi ұрттап iшкенiм,
Апырай, Алла-ай, қандай бiр күйге түскемiн?
Не болып жатыр Адамда?
Мынау ғаламда?
Тайғанап кетсем табанға тiреу табам ба?
Тар жолда, əлде, тағдырым түсiп талауға,
Шындықпен бiрге жұтылып кете барам ба?..

Исраил Сапарбай күрсiнiп салдық Исраил Сапарбай өлеңдері

Пікірлер (0)

Пікір қалдырыңыз

Жиі қойылатын сұрақтар