Өлең, жыр, ақындар

Көргенім – көріскенім аңсап келіп

  • 20.07.2021
  • 0
  • 0
  • 507
Көргенім – көріскенім аңсап келіп.
Көркіңе бек жарасар кəмшат бөрік.
Шөлімді қандырдың-ау, қалқатайым,
түн іші тіл ұшына бал сап беріп.
Жүрісің айдында аққу жүзгендейін,
Тістерің ақық-маржан түзгендейін.
Шыныңмен уəдеңді берші маған,
Болмайын сенен үміт үзгендейін.
Етегі көйлегіңнің бүрмеленген.
Көрікті сенен басқа кімге берген?
Жазмыштың маңдайыма жазылғанын
өзіңмен не де болса бір көрем мен.
Қолыңа ап, жетектеші Күреңімді,
Қалқатай, екі етпеші тілегімді.
Жалғанда екі дүние өкінбес ем,
өзіңмен бірге сүрсем бұл өмірді.
Білгенге, тағдыр жолы бұралаң-ды.
Ғашықтық – құштарлық пен құмар алды.
Адамның баласында арман бар ма,
Сүйген соң мыңнан қалап бір адамды?!



Пікірлер (0)

Пікір қалдырыңыз

«Кеңсайға» кеткім келді, кеткім келді

  • 0
  • 0

«Кеңсайға» кеткім келді, кеткім келді,
Жанына жақсылардың жеткім келді.
Көктемнен үзіп қайтем көңілімді,
Көгенге тізіп қайтем көп күндерді?..

Толық

Кешегi кербез жиырма бес..

  • 0
  • 0

Кешегi кербез мəз емес жiгiттiң жайы –
Тақырдай қаңсып таусылды жiлiктiң майы.
Төзiмдi жалап-жүқтаған төсекке ене
Өзеуреп өшiп қалады қос өкпе неге?

Толық

Ай сəулесі

  • 0
  • 0

Адыра қап адырлар атан кеуде,
Көкжиекке Күн байып батар демде.
Ақ төсекте өртенген арудайын
Ай сəулесі шомылып жатар көлде.

Толық

Қарап көріңіз