Өлең, жыр, ақындар

Жасасын қызыл болаттар

  • 22.11.2015
  • 0
  • 0
  • 2649
Жүйріктерін орғытқан,
Қиялардан қарғытқан,
Қызыл болат кім екен?
Атта жердей ойнаған,
Көздері оттай жайнаған
Бұлар кімнің ұлы екен?
Қызыл туын құлпыртып,
Дұспан сағын сындырып,
Теңдік биін билеген;
Жарақтарын жайнатып,
Шағылтып жалт-жұлт ойнатып.
Еңбек күйін күйлеген.
Бұлар біздің қызыл ер,
Қызыл әскер жауынгер
Еңбекшілер қыраны,
Еңбекшінің өз көзі,
Октябрьдің жұлдызы,
Тегісшіл, теңдік ұраны.
Дұспанын аяп көрмейтін,
Жауға жолын бермейтін.
Еңбекшінің ұланы,
Байға кегін кешпейтін,
Жеңбей жарақ шешпейтін,
Қызыл ер - таудың қыраны.
Қысылтаяң күн туса,
Нөсер құйса, оқ жауса,
Жалығып, қажып талмайтын
Арам құзғын ойларға
Қара жүрек байларға,
Наркескенін арнайтын.
Байлар қастың қамдаса
Қаны бұзық қайнаса,
Тап қорғауға дайын ол;
Кеңес елін қорғауға,
Өз сертінен таймауға,
Болаттан да берік ол.
Еңбекшілер дүниесін
Шын еңбектің иесін,
Жау қолына бермейтін,
Жасасын қызыл болаттар,
Біздің темір қанаттар,
Еңбегі мәңгі өлмейтін.



Пікірлер (0)

Пікір қалдырыңыз

Мәліктің сипаты

  • 0
  • 0

Жайдары нұрлы жүзі жылы ғана,
Асығып ешуақытта саспас және.
Бойында жасырынған жігер-қайрат,
Барлығы белгілі тұр білім-сана.

Толық

Қызыл әскер

  • 0
  • 0

Қызыл әскер қырағы қайнайтұғын,
Нажағайдай майданда ойнайтұғын,
Еңбекшілер қорғаны Отанының,
Жарақтарын жаукөрсе сайлайтұғын.

Толық

Кербез сұлу

  • 1
  • 1

Алтайдың кербез сұлу азат қызы,
Шырқатып ән салғанда жайнап жүзі,
Қайысқан қара ормандар құлақ түріп,
Жымыңдап масайрайды көк жұлдызы.

Толық

Қарап көріңіз