Өлең, жыр, ақындар

Ақынның қай кезде де ауыр жолы

  • 21.07.2021
  • 0
  • 0
  • 1176
Ақынның қай кезде де ауыр жолы.
Қинайды қияметтік бауыр жоғы.
Арманда ақыл-ойдың азабынан
Жалғанда арқасы мен жауыр жоны.
Ақынның қай кезде де алыс жолы.
Қинайды тағдырлас дос, таныс жоғы.
Жолақ жон жолбарысқа жолықпаса,
Қайтсін ол қояныңды қамыс толы!
Ақынның қай кезде де ауыр жүгі.
Қаймана қайдан ұқсын қауым мұны.
Жарасын жүрегінің жалап жазар
Жалт ойнап жанарында жауын күні!..
Ақынның қай кезде де жаны жалғыз,
Көшпейді көзінен мұң, маңынан күз.
Тірлікте тірі екенін нағылармыз,
Өлген соң сағынармыз, табынармыз...
...Ақынның қай кезде де жаны жалғыз.



Пікірлер (0)

Пікір қалдырыңыз

Күлкiсiнен өзiнiң, күлкiсiнен!

  • 0
  • 0

Күлкiсiнен өзiнiң, күлкiсiнен!
Күн күмiс үн шашқандай бұлт iшiнен.
Көшiп кеткен көктемiм көз ұшынан
Қайта оралып келгендей жыл құсымен.

Толық

Көктемнің бұла бұлттары-ай!

  • 0
  • 0

Желіп те желіп жететін,
Жаяуды баяу құптамай,
Төгіп те төгіп өтетін
Көктемнің бұла бұлттары-ай!

Толық

Қайта тудым

  • 0
  • 0

Қайта тудым,
Қайта ойнадым.
Қайта тұрдым,
Қайта ойладым.

Толық

Қарап көріңіз

Пікірлер