Өлең, жыр, ақындар

Күтемін сені

  • 28.07.2021
  • 0
  • 0
  • 1137
Төлеген Айбергеновке

Қанша рет көрдің...
Қанша рет келдің үйіме,
Өсірдің қанша...
Қосылдым қанша күйіңе?!
Мен әлі сені
Сәбидей күтем, Жаңа күн,
Мен әлі саған
Сәбидей сенем, Дүние!
Тауларым да әлі,
Аспаным да әлі жап-жаңа,
Жаңа бір күннің
Жас иісі бар қарда да.
Сипайды баяу
Балауса жүзін даланың
Жап-жаңа ғана
Тараған жұпар таңғы ауа.
Көктем де келер,
Көк ала бұлттар көшер кеп,
Оранып шыққа,
Көздерін ашып өсер көк...
Далама менің –
Мен бұрын әсте көрмеген
Бір ақ жаңбырдың
Құятыны анық нөсерлеп.
Желменен бірге
Тербелген талай сиқырлы ән,
Кезі жоқ менің
Қырымда бір сәт күй тынған...
Мен бұрын әсте
Естімей жүрген дауысын,
Бір аққу-қаздың
Оятары анық ұйқымнан.
Күтемін соны,
Күтемін сені түн қатып,
Сәбидей сеніп,
Жүрегімді аттай тулатып...
Әзірге мейлі
Алыстап жүрсін ол менен
Әйтеуір маған
Келетін анық бір Бақыт!



Пікірлер (0)

Пікір қалдырыңыз

Жауынгер жыры

  • 0
  • 0

Жауынгер жыры
Қара бұлт қарысып,
Қанатын жайғанда.
Сағи Жиенбаев

Толық

Әлия

  • 0
  • 3

Әлия - Сағи Жиенбаев
Баурайы гүлмен өрілген,
Қоршаған жасыл қыраттар –
Әлияның туған жерінде

Толық

Таусылмайды белестер

  • 0
  • 0

Таусылмайды белестер
Таусылмайды белес-белес жон да әлі,
Ел іздейсің аунап-қунап қонғалы.
Сағи Жиенбаев

Толық

Қарап көріңіз

Басқа да жазбалар