Уақыт

Уақыт – емші,
Көп күнәні кешетұғын.
Уақыт – елші,
Таласты бейбіт шешетұғын.
Сонда,
Жүректер талай жалғасатын.
Сонда,
Армандар талай алға асатын.,
Сонда,
Өмір қонағы – адам
Ғарышқа бойлап өсетұғын
Сөйтіп,
Бір жығылып, бір тұрып
Өмірін кешетұғын.
Солай
Толқынды шаштар ағаратын.
Содан
Ақ жүзге әжім жамалатын.
Осыны
Қайран өмір десетұғын.
Осылай ол
Сол өмірден көшетұғын.

---