Өлең, жыр, ақындар

Шынар

  • 29.07.2021
  • 0
  • 0
  • 645
Қына да жоқ бетінде жалтыр жартас
Тұр басында қасқайып жалғыз шынар.
Жан сезім жоқ ол баурап тартып алмас
«Үні шықпас жалғыздың»... – жалған шығар.
Тұр қасқайып бейне қас батырлардай,
Өлерменді өмірге шақырғандай,
Құларманға:
«Тұр, сен!»—деп ақырғандай,
Жүректерде арай таң атырғандай.
Сөнбейтұғын жастықтың алауындай,
Мәңгілік бір жаныңның қалауындай.
Қажымас та қалғымас қарауылдай,
Өлмес өмір жығылмас жалауындай.
Көз суарып, атой сап шың басынан...
Өтпеген бір қиындық, мұң басынан,
Аптап, аяз, ақ боран ала алмайтын,
Шынар адам
аумайды тұлғасынан.



Пікірлер (0)

Пікір қалдырыңыз

Теледидар төрінде қабақ керіп

  • 0
  • 0

Теледидар төрінде қабақ керіп,
Биліксіздер сұқпаты үкім беріп
Айту керек бұл істі, бүйту керек,
Деп жатқанда отырам күлкім келіп.

Толық

Әсте де мен демеуші ем

  • 0
  • 0

Әсте де мен демеуші ем,
Бойыма тең демеуші ем.
Ешкімге сен демеуші ем,
Тентекке ол ем демеуші ем.

Толық

Қойын дәптер

  • 0
  • 0

Қойын дәптер,
Өлең атты пірімнің,
Ұясындай
Жанға ашпас сырымның.

Толық

Қарап көріңіз