Өлең, жыр, ақындар

Диджла

  • 04.08.2021
  • 0
  • 0
  • 451
Диджла!– Тигр
Жадымда қалған жасымнан,
Келгіштеп саған,
Кете алмай жүрмін қасыннан.
Галстук тағып
Картаның тұрған алдында
Шақтарым барады
Толқындарыңа асылған!
Өзендер көрмей
Жүргендей неге толқыдым!
Сазың ба сұлу
Сыңғыры сынды шолпының!
Желің бе жібек
Торғындай сусып төгіліп,
Жамылған сәтте
Денеңе жайған салқынын.
Әйтеуір солай
Жанарды жаулап жамалың.
Жаныма жайған
Әлде бір ләззат самалың.
Анадай маңғаз
Қалпыңа қарап толғандым,
Оятып ойды
Тереңін тінтіп сананың.
Құм басқан мынау
Көнедей күлгін даланың
Бойына нәр боп
Қан тамырыңдай тарадың.
Арудың бұлаң
Қос бұрымыңдай қос өзен –
Евфрат – Тигр
Қос анарыңдай ананың.
Қайда даланды
Аралап көрдім көзіммен
Қайда да сенің
Шипалы нәрің сезілген
Мейірімі шексіз
Жаны ізгі жарқын аруана
Дарқандықты адам
Үйренсе болар өзіңнен.



Пікірлер (0)

Пікір қалдырыңыз

Жақсы адам деп мен айтсам

  • 0
  • 0

Жақсы адам деп мен айтсам,
Кей мұрттар кетер жыбырлап.
Тұтанғыш кейбір арулар
Тұра алмас тіпті шыбындап.

Толық

Жаңбырдан соң орманда

  • 0
  • 0

Жаңбырдан соң күн жүрегі елжіреп,
Төңіректі нұрға көмді, жел жібек.
Желпіп қалып, ақ маржандар сусыды
Қарағайдың кірпігінен мөлдіреп.

Толық

Тағылымнан тәлім

  • 0
  • 0

Оқып, жаттап Абайдың сөзін теріп
Өзгелердің бойынан ғана көріп,
Өзімізге жолатпай айтқан сынын
Бүгінгілер келеміз көкірек керіп.

Толық

Қарап көріңіз