Өлең, жыр, ақындар

Селқостық

  • 08.08.2021
  • 0
  • 0
  • 822
Жауыңнан қорықпа, азар болса — өлсең өлтірер. Досыңнан қорықпа, азар болса — ол сені сатып кетер. Қорыққанда селқостықтан қорық, олар сені өлтірмейді де, сатып та кетпейді. Тек олардың үнсіз бейжайлығынан Жер бетінде сатқындық пен кісі өлтіру орын алады.
Роберт Эберхардт, соңғы Питекантроп патшасы

Әдетінсіз өзіндік
Өмірге келген адам жоқ.
Сол көп әдет ішінде
Селқостықтан жаман жоқ.
Жау мақсаты белгілі
Қапыңды табу, өлтіру
Ол болмаса басыңа
Сұмдықтар үйіп келтіру.
Досың селқос болса егер
Аңғармайды сатқанын,
«Ат біледі дегендей
Төс айылдың батқанын»
Сезінерсің тек езің
Селқостықтың батпанын.
Селқос болса қосағың
Қосынды жылытпас жаққаның
Үйінде болар ақпаның
Парықтамас дұшпанның
Жылан боп келіп шаққанын.
Селқос болса ұл-қызың
Үйіңе шам жақпадың
Қапыда ылғи қабарсың
Дұшпанның құрған қақпанын.
Селқос болса туысың
Тура жол әсте таппадың
Тыңдап ығыр боларсың
Лапылдап бейпіл лаққанын.
Түйсіне бермес бейдауа
Иесін келіп қапқанын.
Халқың селқос болса егер,
Көрмессің таңның атқанын
Сезіне бермес селқостық
Түбіне жетіп жатқанын.
Байыптамас сілейіп
Зердеге шырақ жаққаның
Қаперге алмас парықтап
Көшінің теріс баққанын.
Аңғара бермес пайымдап
Сатқындардың сатқанын.
Селқостықтан туындап
Зұлымдық судай аққанын.



Пікірлер (0)

Пікір қалдырыңыз

Жапырақ

  • 0
  • 0

Көңіл күзін бездіріп,
Күлгенімен атырап:
Өмір күзін сездіріп,
Сарғайыпсың жапырақ.

Толық

Жылы қабақ

  • 0
  • 0

Арасан-Капалда демалып жатқанда
Шәймерден деген ақсақал бастап, бір
топ майдангер, еңбек ардагерлері ауырып
қалғаныңды естіп, көңіліңді сұрай келіпті.

Толық

Эстондықтар

  • 0
  • 0

Жасыл алқап, жаңбырлы Эстония,
Жалаң аяқ жүгіріп өскен ұя
Болмасаң да,
баурады бір жылы леп,

Толық

Қарап көріңіз