Өлең, жыр, ақындар

Ұлы сезім

  • 08.08.2021
  • 0
  • 0
  • 456
Ұлы сезім!
Сені іздедім.
Білмеймін неге іздедім.
Қалай ғана бұл ойды негіздедім!
Алауы өшкен бұл пәни тірлігіммен
Сен мәңгіге япыр-ай егіз бе едің!
Алды-артыма қарамай сені іздедім,
Күн қайтқанда мұның не дегізбедің!
Сені іздедім әйтеуір кеп іздедім,
Тірлігіммен осынша егіз бе едің!
Аланы кеп алапат күнді өткердім
Дауылды кеш, жауынды түнді өткердім.
Жоғалтқанын таппаған жолаушыдай,
Айықпайтын жаныма мұң бөктердім.
Ұлы сезім! Сен сірә осындай ма ең,
Абайлатпай алатын тосындай ма ең!
Құйынында үйіріп адастырар,
Қинап құшар қылықты досымдай ма ең!
Ұлы сезім, япыр-ай, осындай ма ең!



Пікірлер (0)

Пікір қалдырыңыз

Ән де, жыр да Айсұлу

  • 0
  • 0

Ән де, жыр да Айсұлу,
Әңгіме де Айсұлу.
Қаптап кеткен Айсұлу...
Қайда кеткен жай сұлу?

Толық

Ағаларым хақында

  • 0
  • 0

Сезімсіз жүрегінде елім деген,
Елім деп ең қиынға жегілмеген,
Сол үшін тоңып, күйіп, жанып бітпей,
Не керек мимырт, митың өмір деген.

Толық

Нәзекет

  • 0
  • 0

Жымиған күлкің
жанымды жарқын жаз етеді.
Төркінін сөздің
танисың айтса наз өтеді.

Толық

Қарап көріңіз