Жебесін, Ақтайлақ би аруағы

Уа, армысыз, ақындардың іргелі елі,
Көк қаудай қуалай өскен сал мен сері.
Сыбанды сауықшыл ел атандырып,
Жол салған Ақтайлақтай кемеңгері.
Бәрі сал, бәрі сері қара көктен,
Атағы ғасыр асып бізге жеткен.
Бір ғана байғарадан он жеті ақын
Аруағын ел қазақтың дүрілдеткен.
Ішінде айтулысы Ақтайлақ би,
Алла өзі ел қазаққа жіберген сый.
Шешендік сөз үрдісін шың асырып,
Тік ұста елдік туын, тентекті тый.
Деген ол, бар қазаққа үлгі айтқан,
Бабасы би боп Пекин барып қайтқан.
Әділ де, ақылды да парасатты,
Көсем боп туған елін мол байытқан.
Шешіліп алдынан сан дау тараған,
Таза ұстап ел арасын жау, жаладан.
Рухани биік елдік қасиеті
Болған соң қыдыр дарып бақ қараған.
Шөп шыққан жеріне өсті болып бітік,
Ұрпағы Ұлы бабасын кетпей ұмытып.
Басына айтулы асқар Кесене сап
Аруағын аспандатып отыр күтіп.
Ұйтқысы бұл еңбектің Айтқазы Мұхтар,
Іс-ақ қой намысты ерді ел боп құптар.
Көтеріп елдік туын асқақтатып.
Перзенттік парыз өтеуге етті ықпал.
Ендеше алғыс айтулы азаматқа,
Бұйыртқан зор үлгі іс ел қазаққа.
Жебесін Ақтайлақ би аруағы
Бөлене берсін ұрпақ ғажап атқа!
Ұлассын тойын тойға уа, халайық!
Үлгілі іс, өнегелі ел молайып,
Өлгені жебеп, тірісі байыған
Көгерген көсегесі ел болайық!
Билемей елін, өзі жерін, суын,
Еңсесін көтере алмай келген бұрын.
Өсіріп ел мерейін аспандатып Көк
Байрақ кекке көтер елдік туын.

04.09.2001 жыл.

---