Қасақана

Тұрмастай боп жығылды деп
Бар әлемге жарласаң да,
Құбыжық деп, құбылды деп,
Көрінгенге зарласаң да,
Негізіңе тартып кеміс,
Жамандасаң қорласаң да,
Қарғаларың жиып тегіс
Қарқылдасаң, қалмасаң да,
Қара бұлт боп төніп келіп,
Қастықпенен торласаң да,
Аққа қара жұға алмайды
Жұқтырам деп зорласаң да,
Адал жаным алаулайды
Сөндірем деп болмасаң да,
Асау басым иілмейді
Асқар болып қармасаң да ,
Тізем сірә бүгілмейді
Бүктірем деп болмасаң да,
Қаздаң басқан қадамым бар,
Алдына алып бармас ол да.

1960 жыл.

---