Өлең, жыр, ақындар

Ұстазыма

  • 09.08.2021
  • 0
  • 0
  • 970
Бір жөнім қалмасын деп танытпаған
Бар ынта пейіліңді салып маған,
Шындаған құрыш құйып ұстадайын
Ұстазым үйретуден жалықпаған.
Мүдірген жерім болса дәл ұқпаған,
Андаусыз кетсе кейде.шалыс қадам,
Секілді мейірімді қамқор анам
Кейісті көрсетпеген қалып маған.
Барлаған өмір өрін шарықтаған
Болжаған болашағымды анықтаған
Шағында әр биіктен күле қарап
Қаншама қиялында қалықтағам.
Қыранның қия құзға қасқаратын
Бекіттің өзің баулып жас қанатын
Қарадың үміт толы назарыңмен
Ұшқанда қомдап құсын қос қанатын.
Сілтедің үнемі тек өмір өрін
Соныңмен мекендедің жүрек төрін.
Әрқашан ілгеріге жетеледі
Ақниет қосқан игі тілектерің. 



Пікірлер (0)

Пікір қалдырыңыз

Май күні

  • 0
  • 0

Тамылжыған нұрға бөлеп даланы,
Торғын көктен күлімдеп күн қарады.
Әрбір үйдің шатырында қонақтап,
Ақ. көгершін қауырсынын тарады.

Толық

Сафуанға

  • 0
  • 0

Ақ шаңдақ өмір ылғи құйындаған,
Сайысы адамдардың тиылмаған.
Көтеру халық бағын сол сайыста
Әркімнің талайына бұйырмаған.

Толық

Оқжетпес

  • 0
  • 0

Көз көріп, көңіл неге қызықпайды,
Келмей ме алғың көктен үзіп айды!
Сұлу көп, сұлулық көп жанды жаулар
Емесін бәрі нәсіп кім ұқпайды!

Толық

Қарап көріңіз