Өлең, жыр, ақындар

Ақ шағалам

  • 09.08.2021
  • 0
  • 0
  • 468
Сүйікті бауырым Мәдениеттің қырық жас — мерейтойына

Еркелетіп Мәдет дейміз
Мәдениет атынды.
Ата-анаң танып қойған
Бойда парасатыңды.
Адамдыққа ұя сынды
Аққұба тал бар қалпың.
Баурап тұрар айналаңды,
Мінезің де ақжарқын.
Өзің шағын ақ Шағала,
Ақ пейілің даладай.
Ақ жарыңның адалдығы
Сезімі пәк баладай.
Ұяң — ұжмақ, отың басы —
Ылғи шуақ, жылылық.
Босағанды аттаған жан
Ғибрат алар сыр ұғып.
Жұп көгершін тәріздісің
Отырғанда Қазбекпен
Шуағы мол шаңырағың
Балаусалы мәз көктем.
Алыс-жақын ағайынға
Бүкпесіз ақ жарылдың.
Жақсы-жаман қай күйде де
Адамдықтан табылдың.
Тәнтімін деп мен не дейін
Қанатымдай ақ құсым
Мерейтойыңмен құттықтап,
Айтам жүрек алғысын.
Сенем сенін өміріңе,
Көркейіп нәр қоса алар.
Қос құлының аман болып,
Қосағыңмен қоса ағар.



Пікірлер (0)

Пікір қалдырыңыз

Жасай бер, әріптесім!

  • 0
  • 0

Таппай ма әр кеудеден жыр ұясын,
Жыр сүйген жүрегіме нұр құйғасын.
Құттықтап мерейтойымен мен де келдім,
Қазақтың Сазгер ұлы Нұрғисасын.

Толық

Абылайға

  • 0
  • 0

Абылай қойып атынды
Ырымдады-ау ата-анаң.
«Баталы құл арымас»,
Құр болма, балам, батадан.

Толық

Ой

  • 0
  • 0

Ой – теңіз, өзім – қайық барам жүзіп,
Аңғарын, иірімін қоям сүзіп.
Толқындай бірін-бірі қуған мәңгі,
Шегіне жеткізбейді қара үзіп.

Толық

Қарап көріңіз