Өлең, жыр, ақындар

Денсаулық жайы

  • 12.08.2021
  • 0
  • 0
  • 880
(Тілшілер хаттарынан)

Күн сылбыраң, жердің жүзі іріп тұр,
Қарлы жаңбыр бетке аралас ұрып тұр.
Ауыл үйлер шошалада, күн суық,
Жел де азынап аш қасқырдай ұлып түр.
Шымнан салған бір жаман үй — кім үйі?
Кетіктеніп құлауға тұр бүйірі,
Осы үйдің төбесінде түтін бар,
Бұл не екен?— Бұл ма,— бақсы жиыны!.
Бір қара ешкі әлдеқашан сойылды,
Балта жалап бақсы салды ойынды,
Шоқпыт сорлы «өкпе» менен ұрылған.
Сорпа-суын ішіп өзге тойынды.
Ел кедейі тымауратпай ж;үре ме?
Басы ауырса «бақсы!»— өзгені біле ме?
Осы күнде бақсылардың пышағы
Май үстінде, бұлар тыю көре ме?..
Бақсы емі одан жаман ауыртты,
Ауырудан Шоқпыт әлі қауіпті.
Бар бәйек боп жаны ашыған тілші еді,
Жазбай қойды, қайтсін жазып жалықты.
Горздрав, ел ішіне ем керек!
Бақсы, саған, емдеу емес, жем керек
Тілші, сендер бірер жазып жалықпа,
Жалыққанмен кедей керек ел керек!..

1925



Пікірлер (0)

Пікір қалдырыңыз

Бір ескерткіш жайында

  • 0
  • 0

Радвилайте Варвара
Дейтін бір сұлу болыпты.
Зигманд Август таң қала
Ғашық боп оны торыпты.

Толық

Максим Зверевке

  • 0
  • 0

Сүлеймен патшадан соң бар махлұқтың
Тілдерін түгел білген Мақсым ағай,
Деп,— «солардан жазылмас әлі жұппын!» —
Жетпістен жөнеп кетті әрі қарай.

Толық

Алжыған айдаһар

  • 0
  • 0

Ертеде адамзаттық ұшқыр қиял,
Шындықты ертегі қып ойға сияр:
«Бар,— депті,— жерді ораған бір айдаһар,
Денесін түнде созып, күндіз жияр».

Толық

Қарап көріңіз

Басқа да жазбалар