Өлең, жыр, ақындар

Сен менiң тылсым әнiм ең

  • 16.08.2021
  • 0
  • 0
  • 690
Сен менiң тылсым әнiм ең,
Сағынып жүрiп тауып ем.
Жалығар ма екен сенен де,
Жалыққан жүрек бәрiнен...
Көктемiм еткен күзiмдi,
Көкорай еткен iзiмдi,
Сағыныш тұнған тылсым ән,
Сорғалап барып үзiлдi.
Өзiме болмай керегiм,
Бәрiнен жерiп келемiн.
Қоштасып кетпек, апыр-ай,
Ең соңғы жүрек медеуiм.
Тылсым да тылсым ән едiң,
Жанымның тапқан дәл емiн.
Сап-сары саз ғып айта жүр,
Сол шақтың айтқан сәлемiн.
Аз күндiк көңiл ардағым,
Несiне сенi таңдадым?
Сағыныш тұнған әлемге,
Сапарлас бола алмадым.
Сен менiң тылсым әнiм ең,
Сағынып жүрiп тауып ем.
Жалғызсыратып кеттiң ғой,
Жалықтырдың да бәрiнен...



Пікірлер (0)

Пікір қалдырыңыз

Ту мен аспан

  • 0
  • 0

Білуге бәрін құмармын,
Баламын іске жараған.
Туымның түсін сұрадым,
«Көк аспан түстес» деді анам.

Толық

Көлсай

  • 0
  • 0

Асқар тау аймаласып ерке күнмен,
Айнала сыбырлайды ертегi-үнмен.
Бұлттары еркiн қалқып, шудаланып,
Төменде аспан жатыр төңкерiлген.

Толық

Тағы да саған жүгiнем

  • 0
  • 0

Тағы да саған жүгiнем,
Ей, менiң дана ақылшым.
Қол үзiп тiрлiк жiбiнен
Сен неге үнсiз жатырсың?

Толық

Қарап көріңіз