Имандылық

Тура бол, адам,
Кішіпейіл және мейірімді бол:
Тек сондай ерекше бір түрлерінен,
Оны өзге жандардан
Ажыратып та тани аламыз.
Жоғары сатыда, бізбен бірге,
Жасасын белгісіз ұқсас жандар.
Оның оңды жүріс-тұрыстары –
Сенімменен үлгі болар.
Табиғат – анаға,
Бәрібір.
Күннің нұры
Бірдей жарық берер,
Жаманға да, жақсыға да,–
Оңбаған жауызға да,
Ай мен жұлдыздардың да
Сәулесі түсер оңбаған жауызға да, жақсы жанға да.
Самал жел мен нөсерлер,
Толассыз жаңбыр, бұршақтар,
Кездейсоқтан жауса егер,
Жолшыбай жолындағының,
Кездескеннің бәрін де түгелімен алып кетер.
Бақ пен бақыт та, сол секілді,
Жер жүзін шарлап жүріп,
Жазықсыз бұйра шашты балаға келер жетіп,
Болмаса аяғында қу басына қайғы әкелер.
Мәңгілік, темір,
Кемеңгер заң бойынша,
Амалсыздан айналшақтап,
Дөңгеленіп өмір сүрген,
Құл-пенделерміз біз.
Бір ғана адамның,
Қолынан келер, байқау – сезімі бар,
Ақылмен бәрін де ажырата алар,
Ол бір ғана сәтте,
Мәңгіліктен болар хабардар.
Ол жасай да алады,
Жақсылық істер сыйлауға,
Жамандықты басып жаншып тастауға,
Емдеп те, аман сақтап қалуға да,
Барлық адасқандарды,
Қалыстарды жөндеп,
Пайдалы, дұрыс жолға салуға да.
Теңдесі жоқ еңбектерін,
Аз да болса,
Адамгершілік істерін көріп, бағалап.
Біздер, осындай өлмес мәңгілік жандарға,
Басымызды иіп, құрметтейміз,
Әрқашан да адал, тура бол, адам,
Кішіпейіл де, мейірімді бол.
Елің үшін, туралықтың тура жолы,
Жемісі үшін,
Тынымсыз еңбек еткін!
Біздер үшін үлгі болғын,
Жол бастағын!

1783

---